Përparim Sehati, 46-vjeçari që u plagos me thikë në Fier ka ndërruar jetë në spital, mëson Abcnews.al Sehati nga fshati Kasnicë i Patosit ndërroi jete si pasojë e plagëve të marra me thikë nga fqinji i tij 31-vjeçar, Alionid Saliu.
Ky i fundit u kap dhe arrestua nga policia disa orë pas ngjarjes që ndodhi mesditën e së shtunës në Kasnicë. Saliu tentoi të fshihej te disa të afërm në Mallakastër por u kap nga policia në afërsi të fshatit Drizar.
Lexo edhe: Plagosja e 46-vjeçarit në Fier, arrestohet autori i dyshuar i ngjarjes
Shkak i ngjarjes mësohet të kenë qene konfliktet e vazhdueshme mes familjeve Saliu dhe Sehati.
Ende nuk janë bërë publike detajet e këtij konflikti qe çoi në vrasjen e 46-vjeçarit. Policia ka sekuestruar thikën me të cilën 31-vjeçari dyshohet të ketë qëlluar fqinjin e tij. /abcnews.al/
