Pëlqimi për një vajzë ka shkuar përtej normales kësaj here në Tiranë.
Një 33-vjeçar është arrestuar nga policia pasi prej muajit janar, përndiqte një 28-vjeçare duke i shkaktuar asaj ankth dhe pasiguri.
Kjo e fundit e kishte kallëzuar në Komisariatin e Policisë Nr.2 duke deklaruar se ky person e telefononte vazhdimisht.
Sipas policisë, gjatë kësaj kohe e reja ka tentuar edhe vetëvrasjen.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
“Përndiqte prej 8 muajsh 28-vjeçaren, e cila për pasojë tentoi vetëvrasjen, vihet në pranga nga Policia 33-vjeçari.
Specialistët për Hetimin e Krimit në Komisariatin e Policisë Nr.2, pas kallëzimit të marrë nga shtetasja S.Sh., 28 vjeç, se shtetasi K.V., e përndiqte dhe telefonuar vazhdimisht që prej muajit Janar, duke i shkaktuar ankth dhe pasiguri, e cila për pasojë kishte tentuar vetëvrasjen, menjeherë organizuan punën për gjetjen, lokalizimin dhe kapjen e këtij shtetasi.
Pas një punë të mirëorganizuar, bazuar dhe në informacionet e marra në rrugë operative u bë e mundur kapja dhe ndalimi i shtetasit K.V., 33 vjeç, banues në Tiranë
Materialet i kaluan Prokurorisë së Rrethit Gjyqësor Tiranë, për veprime të mëtejshme, për veprat penale “Përndjekja”, “Përdorimi me keqdashje i thirrjeve telefonike” dhe “Shkaktimi i vetëvrasjes”, njofton policia./abcnews.al
