Shkumbini nuk ndalet në grupin A të Kategorisë së Dytë. Peqinasit, edhe pse luanin në transfertë, nuk e falën skuadrën e Gramshit, që e mundën me rezultatin 0-3. Mustafaj shënoi dy gola, të parin me penallti dhe një tjetër Mici, duke i dhënë tre pikët e radhës kryesuesve të Shkumbinit.
Luzi 2008, që kërkon të ngjitet në vendin e dytë, mori pikët e plota në shtëpi kundër Valbonës. Soumah dhe Ferraj realizuan për skuadrën e drejtuar nga Oltijon Kërnaja, kurse tropojanët ngushtuan shifrat me Zhutajn.
Ada ka mposhtur me përmbysje Internacional Tiranën, që shënoi e para me Dacin. Shkreli dhe Guri realizuan dhe i dhanë fitoren skuadrës nga Velipoja. E vetmja ndeshje e mbyllur në barazim ishte Shënkolli-Iliria. /abcnews.al
KATEGORIA E DYTË – GRUPI A (JAVA 9)
Luzi 2008-Valbona 2-1
Ada-Internacional Tirana 2-1
Gramshi-Shkumbini 0-3
Shënkolli-Iliria 2-2
