Paulo Dybala kaloi sezonin e shkuar një nga periudhat më të vështira të karrierës. Dëmtimet, infektimi dhe mungesa e formës fizike e lanë në stol te Juventusi dhe goditjen e mori kur Argjentina e la jashtë Copa America.
Kontrata me Juventusin përfundon në verën e ardhshme dhe rinovimi ende nuk është arritur, madje prej muajsh kanë ngecur bisedimet. Por ardhja e Max Allegrit ka vendosur edhe një herë në punë “ingranazhet” e klubit në lidhje me sulmuesin argjentinas.
Trajneri italian dëshiron lojtarë teknikë në skuadër dhe ka vënë veton që të rinovohet me Dybala. Në këtë mënyrë Juventusi pritet të rinisë bisedimet dhe me shumë mundësi marrëveshja do vijë shpejt, pasi Dybala e ka bërë të qartë se dëshiron të qëndrojë. /abcnews.al
