Në orën 2:00 të ditës së nesërme Brazili dhe Argjentina sfidohen për trofeun e Copa America. Është padyshim klasikja e futbollit latin, por një gjë e jashtëzakonshme po ndodh. Një pjesë e tifozëve të Brazilit do të mbështesin Argjentinën natën e sotme.
Organizimi i turneut në kushte të vështira prej pandemisë i ka indinjuar njerëzit dhe ata kanë vendosur të mbështesin Messin në shenjë proteste në finale. Kjo ka shkaktuar indinjatën e Thiago Silvas, i cili e sheh të çuditshme këtë vendim të tifozëve.
“Rivaliteti mes dy ekipeve është shumë i madh dhe kjo dihet. Kjo është edhe arsyeja përse ne jemi të indinjuar me zhvillimet e fundit. Nuk mundemi të kuptojmë përse ka brazilianë që mbështesin Argjentinën në finale.
Nëse ata e bëjnë këtë në një ndeshje mes Francës dhe Argjentinës është e pranueshme, por në një Brazil-Argjentinë është e paimagjinueshme për me, duke parë rivalitetin e madh, që e kemi ndjerë që në fëmijërinë tonë”, u shpreh Thiago Silva. /abcnews.al
