E ardhmja e Mauricio Pochetino te skuadra e Tottenham është vënë në dyshim kohët e fundit, sidomos pas eliminimit nga Carabao Cup. Emrat për ta pasuar janë të shumtë dhe së fundmi në skenë ka dalë edhe trajneri i Anglisë, Gareth Southgate.
Gjithsesi më parë duhet të shkarkohet Pochettino dhe presidenti i klubit, Daniel Levy, nuk është i gatshëm ta bëjë diçka të tillë. Ai dëshiron që t’i japë më shumë kohë teknikut dhe arsyeja lidhet me faktin që nuk do që të përfitojnë ekipe të tjera.
“The Sun” shkruan se Levy nuk do t’ia bëjë dhuratë trajnerin rivalëve të Manchester United, apo edhe Real Madridit, që e ka tentuar edhe më parë. Kjo po e frenon dhe shpreson që Tottenhami të rikthehet te rezultatet pozitive dhe Pochettino të mbetet në krye të stafit teknik. /abcnews.al
