Pikëpyetjet rreth të ardhmes së Carlo Ancelottit te Real Madrid duket se po zhduken. Sipas mediave spanjolle, trajneri italian do të jetë në pankinën e Los Blacos edhe në sezonin e ri.
Këtë e kanë treguar edhe deklaratat e presidentit të Realit, Florentino Perez, pas finales së djeshme të Kupës kundër Osasunas (2-1).
“Nuk dua të dëgjoj më për këtë çështje. Ancelotti ka një kontratë dhe ne jemi të lumtur me të”, ka thënë Perez.
Trajneri 63-vjeçar arriti dje 10 tituj me Realin, duke përfshirë dy Liga të Kampionëve. Thashethemet në të kaluarën raportonin se madrilenët do mendonin seriozisht për një ndryshim në stolin e tyre, me Raul dhe Xabi Alonso në mesin e kandidatëve për pasardhës. Në të njëjtën kohë, Ancelotti kishte një propozim nga federata braziliane për të marrë përsipër Seleçaon. /G.D abcnews.al/
