Shumë po përflitet për një largim të Gonzalo Higuain nga Juventusi për shkak të “përplasjeve” mes lojtarit dhe klubit. Sulmuesi argjentinas ka një kontratë deri në verën e vitit 2021 me kampionët e Italisë, akord të cilin ka ndërmend ta respektojë.
River Plate shihet si destinacioni i tij i ardhshëm, por Millonarios duhet të presin edhe pak. Babai i 32-vjeçarit ka folur troç rreth situatës së goleadorit për LM Neuquén. “Nuk është e vërtetë ajo që po flitet për djalin tim. Gonzalo do të qëndrojë te Juventusi, ka edhe një vit e gjysmë kontratë me bardhezinjtë.
Ai do e respektojë marrëveshjen dhe nuk dëshiron ta largohet nga një klub që e ka përzemër. Pasi të përfundojë kontrata, Gonzalo do ketë mundësinë të zgjedhë dhe të marrë vendimin që preferon”, deklaron Jorge Gonzalo. /abcnews.al
