Presidenti Volodymyr Zelensky urdhëroi sot formimin e një komisioni të posaçëm për të kontrolluar krerët e të gjitha zyrave të rekrutimit në Ukrainë.
Pas një takimi me stafin e tij ushtarak, presidenti ukrainas njoftoi se komiteti do të drejtohet nga zëvendësministri i Mbrojtjes Oleksandr Pavlyuk.
Vendimi u mor në vazhdën e zbulimeve të një skandali korrupsioni që përfshin kreun e një zyre rekrutimi. Sipas një raporti në gazetën Ukrainska Pravda, familja e tij bleu prona dhe makina me vlerë miliona dollarë në Spanjë. Zelensky njoftoi se ai tashmë kishte urdhëruar largimin e tij.
“Kam dhënë një urdhër urgjent për të ngritur një komitet i cili – në bashkëpunim me zbatimin e ligjit dhe Shërbimin Kombëtar Kundër Korrupsionit – do të kontrollojë të gjithë zyrat e shefave ushtarakë në të gjitha rajonet e Ukrainës, në mënyrë që askush të mos turpërojë vendin ne dhe kujtesën e heronjve që ranë në front”, tha Volodymyr Zelensky në një postim në platformën Telegram.
