Koronavirusi ka goditur sërish skuadrat e futbollit. Dynamo Dresden garon në divizionin e dytë të futbollit gjerman dhe mban vendin e fundit. Vështirësia për të qëndruar në kategori është shtuar edhe më shumë pas lajmeve të sotme.
Përgjigjet e testeve mjekësore, kanë konfirmuar dy futbollistë pozitivë me COVID-19. Drejtuesit e klubit të njohur për një nga tifozeritë më të zjarrta në planet, kanë vendosur të dërgojnë gjithë skuadrën në një karantinë 14 ditore.
“Nuk do të kemi mundësi për t’u stërvitur në dy javët e ardhshme”, është shprehur Ralf Minge, drejtori sportiv i klubit. Një situatë që vë në rrezik serioz duelin e 17 majit kundër Hannoverit në transfertë. /abcnews.al
Zwei weitere Corona-Fälle: Gesamtes Zweitliga-Team ab sofort in 14-tägiger Quarantäne. Ausführliche Informationen zur aktuellen Situation bei der SGD gibt es hier: https://t.co/mb1BhViDJZ #sgd1953 pic.twitter.com/U3ikjMQX7n
— SG Dynamo Dresden (@DynamoDresden) May 9, 2020
