Ka nisur seanca në Gjykatën e Tiranës për vlerësimin e masës së sigurisë ndaj tre të pandehurve që u arrestuan për mashtrim me para false.
Tre të arrestuarit u paraqitën sot në gjykatë për t’u njohur më masën e sigurisë. Përpara togave të zeza dy prej tyre shfaqen të buzëqeshur, ndrysa tjetri mundohet të mbulojë fyturën nga kamerat për të mos u identifikuar.
Kujtojmë se Viard Kotori u paraqit me para false në një pikë këmbimi valutor. I riu, i cili më pas u arrestua nga policia, u mundua të mashtrojë punonjësen duke thënë se dollarët ishin marrë në bankë.
Duke parë se shitësja e kuptoi mashtrimin, ai doli nga dyqani dhe u largua me shpejtësi. Uniformat blu e vunë në pranfa atë dhe edhe bashkëpunëtorët e tij Etmond Dokushi dhe Ervin Kamolli.
Arrestimi i tyre u bë pas një hetimi disa javor, ndërsa ndaj tyre rëndon akuza e “Falsifikimit të monedhave”, kryer në bashkëpunim. Në total janë sekuestruar 3650 dollarë. Sipas hetuesve tre të rinjtë kanë mashtruar me para false disa persona në Tiranë, Korçë, Lezhë dhe Elbasan. /abcnews.al
