Nxënësit në shkollat tona në mbyllje të gjimnazit njohuritë në gjuhën amëtare duket se i kanë në të njëjtin nivel me ato në gjuhë të huaj. Kështu rezulton pas vlerësimit të provimeve të maturës shtetërore. Nota mesatare është e njëjte 7.2, ndërsa kalueshmëria pak më lartë në gjuhë shqipe dhe letërsi.
Në raport me vitin e shkuar në gjuhë shqipe dhe letërsi ekselenët janë dyfishuar. Në gjuhë të huaj kanë rënë megjithëse ka më shumë nxënës të 10 absolute se në shqip. Shkollat e Vlorës dhe Tiranës kanë maturantët me mesatare më të lartë ndërsa Kukësi dhe Dibra me më të ultë.
Rezultatet e të gjitha provimeve të maturës shtetërore pritet të shpallen brenda 30 qershorit. Nxënësit që kanë ankesa për notën dhe kërkojnë rivlerësim të testit mund ta kërkojnë përmes portalit e-albania deri më pesë korrik./abcnews.al
