Koronavirus jo vetëm në futboll. Dy kampionët e sportit italian, Valentino Rossi dhe Federica Pellegrini kanë rezultuar pozitivë me Covid-19. Legjenda e MotoGP dhe kampionia olimpike e notit, janë infektuar dhe po përballen me pandeminë.
“Duhet të nisesha për Budapest për të vazhduar stërvitjen, por diçka e tillë nuk do të ndodhë. Më vjen shumë keq, pasi mezi po prisja të nisja një sezon normal. Nisa të qaj kur mora vesh se jam me koronavirus, tani jam e detyruar të qëndroj 10 ditë në shtëpi“, shkruan Pellegrini në Instagram.
Valentino #Rossi e Federica #Pellegrini sono positivi al #Covid19 https://t.co/ZthidDITjW
— Gianluca Di Marzio (@DiMarzio) October 15, 2020
Lajmin e infektimit me Covid-19 e jep edhe Valentino Rossi. Piloti i famshëm italian i motorëve, 9 herë kampion bote, shkruan këto fjalë në rrjetet sociale: “Sot nuk u ndjeva aspak mirë kur u zgjova. Kockat më ishin tharë dhe kisha ethe. Lamërova menjëherë doktorin dhe bëra tamponin. Për fat të keq rezultova pozitiv.
Është e qartë që ndjej një zhgënjim të madh, pasi më duhet të mungoj në garën e Aragon. Do doja të isha optimist, por ndjej trishtim dhe zemërim sepse i kam respektuar protokollet mjekësore. Nuk mund të ndryshoj asgjë, tani më duhet të ndjek këshillat e mjekut dhe shpresoj të shërohem sa më shpejt“, shkruan Valentino Rossi. /abcnews.al
