Manchester United-Milan është ndeshja më e fortë dhe e bukur e ditës së nesërme në Europa League. Dy ndër ekipet më të famshme të futbollit evropian, do të zhvillojnë sfidën e parë të raundit të 1/8-ve në “Old Trafford”, duke nisur prej orës 18:55.
Trajneri i “Djallit”, Stefano Pioli analizon duelin me djemtë e Ole Gunnar Solskjaer në konferencën për shtypin. Milani i tij është gati dhe do të tentojë të hedhë një hap drejt kualifikimit, teksa trajneri italian ka një koment edhe për Diogo Dalot, i cili është i huazuar nga United.
“Jemi përgatitur mirë për ndeshjen me United, mund të paraqitemi mirë ndaj çdo rivali nëse luajmë si skuadër dhe bëjmë një futboll me intensitet. Këto ndeshje duhen luajtur me vendosmëri të madhe. Respekt për United, janë një skuadër e fortë.
Një rezultat pozitiv në ‘Old Trafford’ do të ishte një shtysë e mirë për sfidën e kthimit. Kundër United na pret një përballje prestigji, dy klubet kanë një histori të madhe. Ne vazhdojmë të punojmë për të realizuar ëndrrat tona.
E pashë ndeshjen me Cityn, skuadra e Solskjaer më impresionoi. Ata fituan derbin kundër një skuadre që vinte nga 21 fitore radhazi. United zhvilloi një performancë cilësore dhe e meritoi fitoren.
Dalot? Ne jemi të kënaqur me ndeshjet që ka luajtur dhe me rritjen e tij. Nuk jam unë personi që merr vendime për të ardhmen e tij, për momentin jemi të përqendruar te kampionati dhe Europa League“, deklaroi trajneri i kuqezinjve. /abcnews.al
