Nga Erneta Shevroja
Një përplasje atipike, jo të zakontë dhe deri diku shkatërrimtare për Partisë Demokratike, e cilësojnë pedagogët e shkencave politike konfliktin mes Berishës dhe Bashës.
“Është një betejë për lidership, jo tipike në këndvështrimin tim”, ka thënë Erlis Çela.
Nuk ka asnjë përplasja ideologjiike. Humbja e radhës e Bashës në zgjedhje, është burimi i përplasjes.
“Motivi lidhet me çështjen e zgjedhjeve dhe të qenurit në pushtet”, ka thënë Klejd Kellici.
Si për Bashën dhe Berishën, qëndron një motiv personal për të qenë në krye të PD, thotë pedagogu i Komunikimit Erlis Cela.
“Berisha kërkon rimarrjen e asaj partie për të pasur një pozitë më të fortë përball ndërkombëtarëve”.
Qeveria forcohet edhe më shumë, thekson Klejd Këlliçi, ndërsa PD-ja, që nga protesta e 8 janarit, rrezikon të perceptohet si shtojcë e pushtetit.
“Ky lloj procesi mund ta kthente PD në një parti satelitë. Ky është rreziku më i madh. PD është e diskredituar në procesin e të bërit opozitë. Dyshimi mbi opozitën do të jetë shumë i madh. Abstenim tek opinioni për të mos e votuar”, ka thënë petagogu Këllici.
Vështirë të ndodh, por Bashës i ngelet vetëm një rrugë zgjidhje.
“Nëse Basha do të qëndrojë në krye të PD, edhe pas kësaj përplasje, ati i duhet të rishpik veten”, ka thënë Çela.
Vota është e vetmja që mund të jap zgjidhje përfundimtare.
“Konfliktet ne një sistem demokratik zgjidhen përmes votës”, shprehet Këlliçi.
Situata në PD sipas pedagogëve është një tregues i nivelit të demokracisë në vend.
“Ne i shikojmë që lidershipi politikë rishfaq ose prezanton riminishenca e diktaturës, me karakteristika të hapur autoritare që nuk pranon demokracinë e brendshme”, ka thënë pedagogu Çela.
A mund të lind një lëvizje të re politike:
“Nëse nuk ndodh ndonjë mrekulli unë nuk shoh të dalë diçka e re të PD në apo në skenën politike shqiptare”, është shprehur ndër të tjera Çela./abcnews.al
