Kanë dalë oraret e dueleve të ekipeve shqiptare në kompeticionet evropiane. Tirana rikthehet të luajë pas 11 sezoneve në Champions League dhe shorti e vuri kundër Dinamo Tbilisi. Takimi do të luhet në kryeqytetin e Gjeorgjisë, duke nisur nga ora 19:00 e datës 19 gusht.
Në Europa League do të garojnë Kukësi, Laçi dhe Teuta, që do të tentojnë kualifikimin ndaj Slavia Sofia (Bullgari), Keshla (Azerbajxhan) dhe Beitar Jerusalem (Izrael). Verilindorët dhe fituesit e Kupës së Shqipërisë luajnë në shtëpi, ndërsa bardhezinjtë kurbinas jashtë fushe.
Të tre ekipet e Superiores luajnë në datë 27 gusht, me Teutën që zbret e para në fushë. Më pas është radha e Laçit dhe e mbyll Kukësi i Skënder Gegës. Kalojmë në IPKO Superligë, aty ku tre janë skuadrat që do aktivizohen në turnetë e organizuar nga UEFA.
Champions League
Turi i Parë
(19 gusht)
Dinamo Tbilisi-TIRANA (19:00)
Europa League
Turi paraeliminator
(18 gusht)
Lincoln Red Imps-PRISHTINA (18:00)
(20 gusht)
Tre Pennes-GJILANI (21:00)
Turi i parë
(27 gusht)
TEUTA-Beitar Jerusalem (16:30)
Sumqayit-SHKËNDIJA TETOVË (18:00)
Neftçi-SHKUPI (18:00)
Alashkert-RENOVA (18:00)
Keshla-LAÇI (19:00)
KUKËSI-Slavia Sofia (20:00)
Drita kampione e ka nisur aventurën në Champion, eliminoi Inter Escalades falë fitores 2-1 dhe sot do të përballej me Linfield, por infektimi i Hamdi Namanit ndikoi që të anulohej përballja me ekipin nga Irlanda e Veriut. Prishtina fitoi Digitalb Kupën dhe shorti i rezervoi një rival nga Gjibraltari.
Ekipi kryeqytetas do të sfidojë Lincoln Red Imps F.C në 18 gusht (18:00), ndërsa dy ditë më pas është radha e debutimit të Gjilanit, nënkampionëve të kampionatit dardan. Djemtë e Mezanit do të ndeshen kundër Tre Pennes nga San Marino, takim që do të startojë në orën 21:00 të datës 20 gusht.
Në Europa League edhe tre skuadra shqiptare nga Maqedonia e Veriut. Goglat e vunë Shkëndijën e Tetovës kundër azerëvë të Sumqayit, takim që do të luhet në 27 gusht, duke nisur nga ora 18:00.
Në të njëjtën ditë zbresin në fushë edhe Shkupi me Renovën. Bardhekaltrit do të tentojnë të eliminojnë Neftçi Baku (18:00), një tjetër kundërshtar nga Azerbajxhani, ndërsa skuadra tjetër nga Tetova do të sfidojë armenët e Alashkert (18:00). /abcnews.al
