U kompletuan tetë skuadrat që siguruan kualifikimin në çerekfinalet e Champions League dhe çiftet e këtij raundi. Champions League do të zhvendoset në Lisbonë tashmë, kryeqytetin e Portugalisë.
Barcelona dhe Bayern Munchen ishin ekipet e fundit që u kualifikuan dhe do të ndeshen mes tyre për një biletë në katër më të mirat e Evropës.
Manchester City-Lyon është dueli tjetër, fituesi i të cilit do të sfidojë në gjysmëfinale atë që triumfon në Barcelona-Bayern Munchen.
Në sfidat e tjera bie në sy përballja PSG-Atalanta dhe Atletico Madrid-Leipzig. Fituesit e këtyre dy çifteve do të përballen mes tyre në gjysmëfinale. /abcnews.al
