Dortmundi ka lënë pas krahëve humbjen 4-2 kundër Bayern Munchen në kampionat dhe është fokusuar totalisht në Champions League. Verdhezinjtë luajnë nesër në mbrëmje (21:00) sfidën e kthimit ndaj Sevillas, e vlefshme për një biletë në çerekfinale.
Skuadra gjermane ka fituar 2-3 përballjen e parë që u luajt në Andaluzi, avantazh i rëndësishëm në lidhje me kualifikimin. Kapiteni i Dortmund, Marco Reus flet shkurt në prononcimin për mediat, duke mos i kursyer këshillat për shokët e skuadrës.
“Ne duam të përsërisim performancën e ndeshjes së parë. Të jemi vetvetja, të luajmë me agresivitetin e duhur dhe të tentojmë të shfaqemi sa më të rrezikshëm.
Kalimi në çerekfinale do të thotë shumë për ne, do të na bënte krenarë për atë që kemi bërë në vitet e fundit“, deklaroi ylli gjerman i Dortmundit. /abcnews.al
