Policia në Tiranë ka vënë në pranga nëntë persona për vepra të ndryshme penale.
Njoftohet se në pranga është vënë 59-vjeçari R. K., pasi në rrugën “Shaban Bardhoshi”, gjatë kontrollit fizik dhe në banesën e tij u gjet një sasi lënde të dyshuar heroinë, si dhe 7 kartëmonedha me prerje 5000 lekëshe, të dyshuara si të falsifikuara.
Po ashtu, u arrestua edhe një 26-vjeçar, R. T., pasi tek “Pallati me Shigjeta”, iu gjet një sasi lënde narkotike e dyshuar kokainë.
Në rrugën “Ali Ibro” u arrestua Sh. D., 39-vjeç, pasi ka kundërshtuar, duke i goditur me grusht për shkak të detyrës, punonjësit e policisë së rendit publik.
Në flagrancë u arrestua A. Gj., 60 vjeç, sepse në banesën e tij në rrugën “Muhamed Deliu”, ka ushtruar dhunë të vazhdueshme psikologjike ndaj bashkëshortes dhe vajzës së tij, të cilave iu plotësua kërkesë-padia për lëshimin menjëhershëm të urdhrit të mbrojtjes.
Në pranga, ka rënë edhe 49-vjeçari E. D., duke qenë në gjendje të dehur ka ushtruar dhunë ndaj djalit të tij. Po ashtu, ai ka kundërshtuar me forcë punonjësit e policisë, për të shmangur shoqërimin e tij.
Nga specialistët e Qarkullimit Rrugor u bë arrestimi në flagrancë:
B.L., 53 vjeç dhe A. L., 36 vjeç, pasi u kapën në flagrancë duke drejtuar mjetet përkatëse në gjendje të dehur;
A.A., 34 vjeç, pasi në rrugën “Petrit Radovica”, u kap duke mjetin drejtuar pa lejen përkatëse;
I.U., 28 vjeç, pasi në aksin rrugor Fushë Krujë – Tiranë, në vendin e quajtur kthesa e Valiasit, ka përplasur mjetin e policisë “Hyundai”, me drejtues I. H. (i planëzuar me shërbim), ku si pasojë e përplasjes ka kryer një manovër të gabuar dhe ka aksidentuar biçiklistin N. M., i cili ndodhet në spital, jashtë rrezikut për jetën. Gjithashtu shtetasi I. U. nuk i është bindur urdhrit të punonjësve të Policisë Rrugore për të kryer testin e alkoolit. Në vijim të veprimeve u procedua penalisht edhe shtetasi I. H., drejtuesi i mjetit të policisë. s.b/ abcnews.al/
