Drejtori i Zonave të Mbrojtura për Qarkun e Elbasanit, Fatmir Beazhda ka dhënë detaje për situatën e zjarreve në zonë.
Beazhda tha për ABC se zjarret janë në kontroll dhe janë izoluar. Sipas tij dyshohet që ata që kanë vënë zjarrin janë persona që merren me prerjen e pyjeve me qëllim shitjen e druve të zjarrit.
Gjithashtu, ai i ka bësrë thirrje policisë që të hetojë këto raste.
Sakaq, Ministria e Mbrojtjes njoftoi sot se është shmangur rreziku për parkun kombëtar Shebenik-Jabllanicë. Situata është nën kontroll dhe aktualisht ne terren po punojne zjarrfikesit e Përrenjasit. g.v/abcnews.al
