Drejtoresha e spitalit të Vlorës Bruna Mersini ka deklaruar se kapacitetet e këtij spitali për pavijonin e dedikuar COVID shkojnë nga 80 deri në 120 shtretër. Ajo tha se janë 80 mjekë specialistë në këtë spital të cilët prej një viti janë trajnuar me rastet e triazhimit të pacientëve të dyshuar si të prekur nga COVID.
Ajo thotë se sipas protokollit që i është dërguar nga Ministria e Shëndetësisë, në spitalet rajonale do të trajtohet të gjitha raste me COVID, me përjashtim të atyre që kanë nevojë për ndërhyrje kirurgjikale ose kanë komplikacione si pasojë e sëmundjeve bashkëshoqëruese.
“Spitali rajonal i Vlorës është në vazhdimin e Ministrisë së Shëndetësisë. Është çelur ky skenar që fatmirësisht na ka dhënë kohë të përgatiteshim. Shkodra dhe Durrësi janë zyrtarisht në skenar. Kapacitetet janë 350 shtretër në kushte normale, janë 80 që janë të dedikuar për COVID por nëse do të ketë tejkalim të kësaj shifre është një repart me 40 shtretër që do të përdoret për COVID. Ajo që ka shumë rëndësi nuk ka të bëjë me numrin e krevateve por me burimet njerëzore. Prej një viti ky burim njerëzor është shtuar.
Një i sëmurë COVID nuk është i prekur vetëm nga ana pulmonare. Ne kemi ekipe multi disiplinare. Në spitalin e Vlorës ne jemi 80 mjekë specialistë. Ne kemi bërë triazhimin e këtyre të sëmurëve prej kohësh. Pasi vendoset diagnoza që ky është me COVID, dhe kur bëhen triazhime të tilla. Kurse tashmë ka një udhëzues të qartë të MSh se si do të operohet. Të sëmurët që kërkojnë ndërhyrje kirurgjikale ose kërkojnë asistencën e terapisë intensive do të transferohen.
Ka një informacion të ngarkuar nga aktorë që janë burim njerëzore. Njerëzir bëhen dashamirë në kuptim human duke dhënë mjekime konfuze. Duhet të jemi shumë të qartë dhe të gjithë kjo është një situatë ku mësojmë duke vepruar. Pas një viti eskperienca ka qartësuar idetë tona. Sot ka filluar edhe gripi sezonal. Përgjegjësi kryesor i një pandemie është individi. Kur ke shenjat e para duhet t’i drejtohesh mjekut të familjes. Ne gjejmë pacientë që nuk i respektojnë këto masa. Mjeku i familjes ka qenë qeliza e pandemisë”, tha ajo./mv.abcnews.al
