Teatri Kombëtar Eksperimental “Kujtim Spahivogli” shfaqi dramën “Koncerti”, me regji e dramatizim nga Giacomo Pedini.
“Koncerti” bazohet mbi romanin “Një engjëll veshë me frak” i autorit Stefan Çapaliku. Ngjarjet vendosen në Shkodrën e viteve pesëdhjetë.
Në emisionin “ABC e Mëngjesit” në ABC News, Stefan Çapaliku dhe Ilirda Bejleri folën për dramën “Koncerti”.
“Jo vetëm që fton njerëz nga salla në skenë, por e ndërton orkestrën me spektatorët. Padyshim që kjo e mbështetur tek ky ritëm zvarranik i shfaqjes na bën të kuptojmë që mund ta konsumosh ngjarjen me një shpejtësi të jashtëzakonshme. Shfaqja nis me vdekjen e Pol Gjakovës dhe përfundon me vdekjen e Pol Gjakovës”, tregoi ai.
Stefan Çapaliku prek të gjitha zhanret, duke i përzier me mjeshtëri dhe shije, veçanërisht në teatër.
Në shfaqje interpretojnë aktorët Helidon Fino, Laert Vasili, Ilirda Bejleri, Matia Llupa dhe Ismail Shino.
/abcnews.al/
