Dolën nga qelia me leje për shkak të koronavirusit, arrestohen sërish tre të dënuar

Tre nga të dënuarit që dolën me leje nga qelia pas aktit normativ nga pandemia e koronavirusit janë arrestuar sërish nga policia.

Gazetarja Glidona Daci mëson se 2 prej tyre janë arrestuar për dhunë në familje, ndërkohë që një prej tyre është ndaluar pasi ka shkelur rregullat e karantinimit duke dalë në rrugë.

Nga leje e posaçme përfituan të dënuarit që u kanë mbetur 3 vite dhe atyre që u kanë mbetur 5 vite e që janë baras ose mbi moshën 60 vjeç dhe vuanin nga një sëmundje kronike e rrezikshme për  jetën, por nuk ishin te dënuar për vepra të rënda./abcnews.al