Me një festë të madhe Elon Musk përuroi fabrikën e re të kompanisë “Tesla” pranë Berlinit, Gjermani. “CEO” i industrisë së makinave ftoi njerëz nga e gjithë Evropa për të shkuar për të punuar në fabrikën e re.
Ndërtimi i fabrikës së makinave elektrike filloi dy vjet më parë me një leje të veçantë nga autoritetet, por reagimet e një pjese të vendasve, të cilët janë të shqetësuar për ndikimin në mjedis, nuk kanë lejuar ende dhënien e lejes përfundimtare.
Për të fituar mbi ata që reagojnë, Musk mori pjesë personalisht në prezantimin e fabrikës dje. Siç tha ai, makina e parë nga linja e prodhimit të Berlinit vlerësohet të dalë muajin tjetër. “Për të arritur në prodhimin masiv, do të duhet më shumë sesa u desh për të ndërtuar fabrikën” tha ai.
Qëllimi i tij është që fabrika të arrijë 5000 deri në 10000 makina në ditë. Musk nuk e fshehu shqetësimin e tij se punësimi i stafit të mjaftueshëm do të ishte i vështirë. Kjo është arsyeja pse ai u bëri thirrje njerëzve “nga e gjithë Evropa” të dërgojnë një CV.
“Ne jemi pak të shqetësuar se nuk do të jemi në gjendje të gjejmë njerëz të mjaftueshëm. Ne me të vërtetë kemi nevojë për talent të madh për të ardhur këtu nga e gjithë Evropa” tha ai, shkruan “Reuters” dhe “AFP”.
Biznesmeni miliarder shpreson të marrë dritën jeshile për fabrikën e tij në Gjermani në javët e ardhshme./ Abcnews.al
