Loading ...
Andriy Shevchenko drejton Ukrainën prej korrikut të vitit 2016 dhe ka bërë një punë shumë të mirë në stolin e kombëtares së tij. Ish-sulmuesi i famshëm i Milanit dhe idhulli i tifozëve kuqezi, ka folur rreth së ardhmes pas fitores 2-1 të mbrëmjes së kaluar kundër Zvicrës.
Disa herë është përfolur emri i tij për marrjen e drejtimit të Milanit, klub në të cilin kaloi vitet më të arta të karrierës dhe fitoi gjithçka, mbi të gjitha Champions League dhe “Topin e Artë”.
“Sigurisht që do të më pëlqente të drejtoja një klub. Të jesh çdo ditë në kontakt me lojtarët është shumë e mirë për një trajner. Duhet të hedhësh hapa para nga dita në ditë.
Për momentin jam i përqendruar për të dërguar përpara projektin me kombëtaren, pastaj është e rëndësishme të kesh një mundësi për të drejtuar një klub“, deklaron Sheva. /abcnews.al
