Fabio Paratici ka përfunduar nën hetim në lidhje me çështjen Luis Suarez. “El Pistolero” arriti një akord me Juventusin në merkaton e verës dhe tentoi te merrte pasaportën italiane për t’u konsideruar lojtar komunitar.
Kushti ishte kalimi i testit të gjuhës italiane, aty ku u regjistruan ndërhyrje të drejtuesve të bardhezinjve. Provimi i sulmuesit ishte fals dhe Prokuroria e Perugias hapi një hetim në lidhje me këtë çështje.
Drejtori sportiv i kampionëve të Italisë, ka reaguar shkurt në lidhje me lajmin e djeshëm. “Ka një komunikatë të klubit që sqaron gjithçka. Unë jam shumë i qetë.
E njoh që i vogël ministren De Micheli, jemi rritur në të njëjtin qytet. Ajo e sqaroi pozicionin tim dje. Nuk do të ndryshoja asgjë, do të bëja të njëjtat gjëra që kam bërë në lidhje me këtë çështje“, deklaron Paratici. /abcnews.al
