Dje nisën ndërprerjet e energjisë elektrike, çfarë po ndodh sot në Kosovë

schedule11:14 - 16 Gusht, 2022

schedule 11:14 - 16 Gusht, 2022

Ndonëse Ministria e Ekonomisë në Kosovë njoftoi se është rikthyer furnizimi i rregullt me energji elektrike, zëdhënësi i Kompanisë Kosovare për Shpërndarjen e Energjisë Elektrike (KEDS), Viktor Buzha ka rhënë se edhe sot, 16 gusht, do të vazhdojnë kufizimet e rrymës elektrike.

Buzhala tha se reduktimet po bëhen për shkak se furnizimi është duke u bazuar nga prodhimi vendor dhe nuk ka mjete për të blerë energji elektrike në tregjet ndërkombëtare.

Zëdhënësi i KEDS deklaroi se duhet të aplikohet alternativa e kursimit të energjisë.

Lexo edhe: Sot nisin ndërprerjet e energjisë elektrike në Kosovë

“Ishte planifikuar që të jepen 90 milionë euro, por ato para asnjëherë nuk janë dhënë dhe kjo e ka zhytur sistemin elektroenergjetik në kolaps”, tha Buzhala për Express.

Njëjtë si ministrja Rizvanolli, edhe Buzhala tha se ky dimër do të jetë i ‘rëndë për të gjithë Evropën’.

“Reduktimet do të vazhdojnë deri në ndryshimin e parametrave. Çmimet për megavat janë rritur”, tha ai. /abcnews.al/