Shumë njerëz luftojnë për të humbur peshë dhe shpesh dietat mund të bëhen të mërzitshme duke mos arritur rezultatin e dëshiruar. Në të vërtetë mund të humbni peshë duke praktikuar disa zakone të pazakonta që mund t’ju duken qesharake, por që mund t’ju japin efektin e dëshiruar.
Krijoni një regjim të shëndetshëm të konsumimit së ujit.
Është shumë e rëndësishme të krijoni një regjim të konsumimit të ujit. Pini dy gota ujë me limon në mëngjes për të zgjuar trupin, për të hidratuar stomakun dhe forcuar metabolizmin. Pastaj, konsumojeni këtë pije para dhe pas drekës por mos e teproni. Edhe në darkë duhet ta konsumoni patjetër për të ndihmuar në tretjen e ushqimit.
Nuhasni aromën e mollëve dhe bananeve para konsumimit të vaktit
Ndoshta mund të duket qesharake, por nuhatja e aromës së mollëve dhe bananeve para se të hani, do të bëjë më pak të uritur.
Ndizni një qiri vanilje pas darkës.
Studimet kanë treguar se aroma e vaniljes ndihmon në humbjen në peshë. Aktivizon reagime të ndryshme kimike në tru, duke ju bërë më pak të uritur.
Konsumoni vezë për mëngjes dhe ushqime pikante në drekë.
Është vërtetuar se konsumimi i vezëve për mëngjes ndihmon që të humbni peshë më shpejt. Dhe nëse e kombinoni këtë truk me ushqim pikant në drekë, do të arrini trupin që keni dëshiruar më shpejt se sa mendoni.
Flini në një dhomë të freskët.
Po, ju mund të humbni peshë duke fjetur, dhe është shumë e lehtë. Truku magjik është se nëse trupi juaj rrethohet nga i ftohti, prodhon më shumë nxehtësi për t’ju ngrohur, gjë që ju ndihmon të digjni më shumë kalori.
Përtypni ngadalë dhe siç duhet.
Është provuar se nëse konsumoni më ngadalë, do ta keni më të lehtë për të humbur peshë. Nëse hani më avash dhe ashtu siç duhet, do të ndiheni të ngopur më shpejt. Do t’ju duhet të paktën 20 minuta për të konsumuar një vakt, kështu që shijojeni atë sa më shumë të jetë e mundur. /abcnews.al/
