Një profesor fotografie ka shkrepur disa fotografi të jashtëzakonshme të diellit nga kopshti i tij në Kent. 66-vjeçari, Paul Andrew arriti t’i kapë pamjet me teleskopin e tij Lund 152, mbi të cilin ai ka investuar fonde të konsiderueshme.
Pamjet tregojnë sipërfaqen e yllit, që ndodhet më shumë se 92 milion milje larg Tokës. Andrew thotë se koha më e mirë për të fotografuar diellin është gjatë verës, kur qielli është i qartë.
“Unë përdor [teleskopin tim] sa më shpesh të jetë e mundur kur ka shumë diell. Sidoqoftë, nuk mund të arrij të shikoj aq shumë gjatë muajve të dimrit pasi Dielli është më i ulët dhe kushtet e shikimit mund të jenë mjaft të dobëta.“, thotë ai.
Andrew thekson se shkrepja e fotografive ka vështirësi të shumta teknike, ndërsa shton se “duket e pabesueshme kur shikoj që imazhet që mund të marrin shumë amatorë, janë më superiore se ato nga teleskopët më të mëdhenj në botë.” /abcnews.al
