Një grua nga Karolina e Veriut zbuloi se kishte fituar një çmim prej 1 milion dollarësh Powerball vetëm disa orë para se të festonte ditëlindjen e saj të 58-të.
Leslie Husted nga Benson u tha zyrtarëve të Lotarisë Arsimore të Karolinës së Veriut se ishte duke parë lajmet një ditë para ditëlindjes së saj, kur dëgjoi për një biletë të pakërkuar 1 milion dollarësh Powerball të shitur në qytetin e saj për shortin e 20 shkurtit.
Husted tha se ajo thirri burrin e saj përpara se të kontrollonte biletën.
“Shkova të kontrolloja biletën dhe më pas fillova të bërtas,” u shpreh gruaja.
Ndërkohë, fitorja shkaktoi një festë të veçantë.
“Nuk do ta harroj këtë ditëlindje, kjo është e sigurt,” tha Husted./abcnews.al
