Unaza e Kobe Bryant shitet në ankand me një shifër marramendëse

schedule09:54 - 26 Maj, 2020

schedule 09:54 - 26 Maj, 2020

Unaza prej ari dhe diamanti që basketbollisti amerikan Kobe Bryant i dhuroi mamasë së tij 20 vite më parë është shitur në ankand me një vlerë prej 209.080 dollarësh.

Unaza që përmban 40 gurë të vegjël prej diamanti u ble ditën e djeshme nga një person anonim në ankandin “Goldin” në Los Angeles.
Kobe bleu për prindërit e tij dy unaza identike për të kujtuar kampionatit e parë në NBA, raporton TMZ. Nëna e tij, Pamela Bryant vendosi që t’i shesë unazat vite më parë, bashkë me disa sende të tjera të tij, por basketbollisti e ndaloi.

Më pas ai aprovoi shitjen e gjashtë artikujve tek një koleksionist privat dhe një adhurues i LA Lakers me një vlerë prej 280 mijë dollarësh. Bryant humbi jetën në janar të këtij viti gjatë një aksidenti me helikopter në Los Angeles.

Mes viktimave ishte dhe vajza e tij 13-vjeçare Gianna. /abcnews.al