Arjen Robben, i njohur në botën e futbollit si “holandezi fluturues”, vari këpucët në gozhdë në fundin e sezonit të shkuar, duke mbyllur një karrierë shumë të suksesshme 19 vjeçari.
Sulmuesi anësori e nisi karrierën në Holandë, për të luajtur pastaj për skuadra “big” të Europës, si Real Madrid, Chelsea dhe Bayern Munchen. Pikërisht me bavarezët, Robben kaloi vitet e tij më të mira, duke u shndërruar në idhullin e tifozerisë gjermane.
Sot, Robben ka dhënë një intervistë, ku ka treguar se po i mungon futbolli: “Në fillim, sapo u tërhoqa, futbolli nuk më mungonte fare. Por pastaj erdhi një fazë që nuk më linin mendimet, të tipit: “Hej, do të dëshiroja të luaja edhe pak”. Dita-ditës, më vijnë shpesh në kokë këto mendime”, u shpreh ish-sulmuesi holandez./abcnews.al
? Arjen Robben: “In the beginning I didn’t miss football at all.
“But then there was a phase when it tickled again and I had thoughts like: ‘Hey, maybe I would like to play a little again.’
“From time to time I still have this feeling.” pic.twitter.com/TMjljC2qUq
— Goal (@goal) April 26, 2020
