Partizani u kualifikua në gjysmëfinalen e Kupës së Shqipërisë falë golit të shënuar nga ish-sulmuesi i Dinamos, Xhuliano Skuka.
Takimi i luajtur në “Air Albania” mes dy skuadrave kryeqytetasve ishte shumë i luftuar, me skuadrat që kërkonin “shpëtimin” te Kupa.
Përveç fitores, kjo përballje ka “sakatuar” demat e Dritan Mehmetit, pasi dy lojtarë janë dëmtuar në derbi kundër bluve të Bledar Devollit.
Autori i golit Skuka dhe Andi Hadroj u larguan nga fusha për probleme fizike, ndërsa sot do të mësohet gjendja e tyre. Në kampin e Partizanit shpresojnë që dy titullarët të mos kenë asgjë serioze pasi të hënë do të luajnë ndaj Skënderbeu në transfertë dhe mungesa e tyre do të peshonte jo pak. /f.a/abcnews.al
