Loading ...TIRANË- Për herë të parë në Shqipëri do të përdoret një teknologji e re e diagnostikimit të sëmundjeve të rralla gjenetike tek mosha pediatrike.
Lajmin e dha Ministria e Shëndetësisë Evis Sala, gjatë konferencës së fundit për sëmundjet e rralla gjenetike, ku theksoi rëndësinë e saj në diagnostikimin dhe përcaktimin e terapive për pacientët me sëmundje kancerogjene të gjakut dhe për tumore të rralla tek fëmijët.
“Një zhvillim strategjik është instalimi i teknologjisë Next Generation Sequencing, që do të përdoret për herë të parë në vend për përcaktimin e terapive intensive dhe target në hemopatitë malinje dhe tumoret pediatrike të rralla”. Qëllimi ynë është që këto teste të ofrohen në Shqipëri, me cilësi dhe standarde ndërkombëtare”, shtoi ministrja.
Ndër të tjera, ministria Sala theksoi rëndësinë e përmirësimit të diagnostikës, bashkëpunimit, kërkimit shkencor dhe të kujdesit të specializuar për pacientët dhe familjet e tyre.
“Bashkëpunimi mes specialistësh, integrimi në rrjete europiane dhe partneritetet ndërkombëtare janë çelësi për të garantuar standardet më të larta dhe barazinë në akses për pacientët”, tha ajo./abcnews.al
