Së paku 62 njerëz u vranë dhe mbi 30 u plagosen nga shpërthimet në një xhami në provincën Nangarhar të Afganistanit. Autoritetet thanë se sulmi i dyfishtë ndodhi në qarkun Haska Mena gjatë faljes së Xhumasë.
Numri i viktimave mund të rritet, pasi ekipet e shpëtimit vazhdojnë të nxjerrin trupa nga rrënojat.
“Mes të vrarëve dhe të plagosurve ka edhe fëmijë”, tha zëdhënësi i Departamentit Publik Shëndetësor.
Përgjegjësinë për to nuk e mori ende asnjë grup, por militantët talibanë dhe ata të Shtetit Islamik janë aktivë në lindje të Afganistanit, e sidomos aty ku kane ndodhur shperthimet.
Ndërkohë në provincën perëndimore Herat, gjashtë civilë, përfshirë katër fëmijë, u vranë, pasi automjeti me të cilin udhëtonin u godit nga një bombë në anë të rrugës./abcnews.al
