Dhjetra tanke izraelite kanë hyrë të hënën në pjesën jugore të Rripit të Gazës pranë Khan Younis, kanë thënë dëshmitarët për AFP. Ata panë gjithashtu transportues të blinduar dhe buldozerë.
Amin Abu Hawli, 59 vjeç, tha se automjetet izraelite ishin dy kilometra brenda territorit palestinez në fshatin Al-Qarara pranë Khan Younis.
Moaz Mohammed, 34 vjeç, deklaroi se tanket izraelite ishin në pjesën jugore të rrugës Salah al-Din, e cila shkon nga veriu në jug të brezit.
“Ata po mbajnë rrugën Salah al-Din në të dyja anët dhe tani po e presin atë midis Deir al-Balah dhe Khan Younis, duke gjuajtur me plumba dhe predha tankesh mbi makinat dhe njerëzit që përpiqen të lëvizin nëpër zonë,” tha ai.
Rreth 1.8 milionë njerëz në Gaza, afërsisht 75% e popullsisë, janë zhvendosur nga shtëpitë e tyre nga aksioni ushtarak i Izraelit në Rripin e Gazës, duke krijuar një krizë humanitare. Ministria e shëndetësisë e drejtuar nga Hamasi thotë se më shumë se 15,000 palestinezë janë vrarë në Gaza që nga 7 tetori./abcnews.al
