Ish-Kryetarja e Komisionit te Edukimit dhe Mjeteve per Informim Publik Fatjona Dhimitri i kërkon Besa Shahinit të japë dorëheqjen nga posti i ministres së Arsimit.
Ajo i drejtohet Shahinit me një pyetje për të kuptuar se pse hesht në një situatë të tillë duke ironizuar se pret të justifikohet për rastet e pedofilisë në shkolla.
“Znj.Besa Shahini, Meqë keni shfaqur ankesa tek i plotfuqishmi përse unë nuk ju lë të flisni sa herë që ju lëshoni perlat e radhës në Komisionin për Edukimin dhe Mjetet e Informimit Publik, pa më thoni njëherë:
Përse ju ka kapluar heshtja pikërisht tani që duhet të flisni apo të bëni justifikimin e radhës për rastet e pedofilisë së njëpasnjëshme në shkollat tona?!
Si e konceptoni në kufijtë e logjikës suaj dhimbjen e 15 vjeçares së përdhunuar e shantazhuar prej rojes monstër të shkollës?!
Kjo na qenka klima e sigurisë që ju Znj.Ministre i ofroni elitës së kombit?!
Notat e dhimbjes që përjeton vajza dhe familja e saj nuk e cënojnë ndopak ndërgjegjen tuaj si grua?!
Do të mjaftoheni dhe ju me ndjesë publike meqë ne që kerkojmë zbatimin e ligjit jemi moralistë, apo do shihni alternativën e kthimit andej nga keni ardhur pasi keni dështuar plotësisht në reformën tuaj imagjinare të arsimit! Dorëhiquni Besa!”, përmbyllet deklarata e Dhimitrit./abcnews.al
