Janë zbuluar edhe detajet e kontratës së Carlo Ancelottit tek Everton, marrëveshje ku mungon vetëm firma e strategut italian. Don Carlo do të nënshkruajë për tre vite e gjysmë, kontratë që do i skadojë me 30 qershor 2023.
Ai do të përfitojë një rrogë prej 4.5 milionë eurosh në sezon, diçka më pak seç përfitonte te Napoli. Djali i Ancelottit, Davide, dhe dhëndri i tij, Mino Fulco, do të jetë pjesë e stafit teknik.
Ndërsa Duncan Ferguson, i cili ishte trajner i përkohshëm, me shumë gjasa do të largohet. Ancelotti pritet sot në mbrëmje në ambientet e stadiumit Goodison Park, për të firmosur dhe për t’u prezantuar./abcnews.al
