Detaje të reja zbulohen lidhur me hetimet e ndjekura për sekuestrimin e 2, 6 tonë kanabis në kamionin me fruta perime.
Burime zyrtare nga grupi hetimor konfirmojnë se dy personat e arrestuar në Lushnjë, Përparim Shurdhi dhe Arlind Tabaku kanë treguar detaje të rëndësishme në lidhje me persona të tjerë të cilët janë përfshirë në trafikun e drogës.
LEXO edhe: FOTOT/ U kapën me 2.6 ton kanabis në Mal të Zi, kush janë dy të arrestuarit nga Lushnja
Siç raporton gazetarja e ABC, Xhensila Kodra, gjatë marrjes në pyetje ata kanë dhënë emra konkret të cilët po mbahen nën vëzhgim.
Në deklarimet e tyre, Shurdhi dhe Tabaku kanë treguar vendin ku është marrë sasia e kanabisit si dhe rolin që ka patur secili.
Emrat e personave po mbahen sekret nga policia për shkak të hetimeve që po kryhen.
Në bazë të deklarimeve të tyre, grupi hetimor po punon për të zbardhur rolin konkret të personave të tjerë të përfshirë.
Ndërkohë, SHÇBA ka nisur hetimet për doganierët në pikën e Hanit të Hotit, të cilët kishin përgjegjësi të kontrollonin kamionin.
Nga hetimi është përjashtuar dogana e Kapshticës, pasi është vërtetuar se kur kamioni ka kaluar aty nuk ka qenë i ngarkuar me marijuanë.
Droga e llojit marijuanë u kap pak ditë më parë në rrethinat e Podgoricës.
Për ngjarjen në Mal të Zi u arrestua shoferi i kamionit, Elvis Çaliku.
n.d./abcnews.al
