Loading ...
Nuredin Dumani, personi i shpallur në kërkim për ekzekutimin e Bujar Çelës në Bradashesh të Elbasanit në 17 shtator dhe Klevis Kapllanaj, i ekzekutuar 3 ditë para kësaj ngjarjeje në fshatin Sinaballaj të Rrogozhinës, dyshohet të jenë autorë të vrasjes së Emiljano Ramazanit në20 korrik të këtij viti në qytetin e Elbasanit.
ABC News mësoi nga burime nga grupi hetimor se Klevis Kapllanaj dyshohet të jetë ekzekutori i 39-vjeçarit Emiljano Ramazani në makinën e tij poshtë pallatit ku jetonte.
Hetuesit kanë arritur në këtë përfundim nga verifikimi i pamjeve filmike të atentatit ndaj Ramazanit, që tregojnë sipas tyre, përputhje karakteristikash të Klevis Kapllanajt me autorin që qëlloi mbi 39 vjeçarin në 20 korrik duke e lënë të vdekur në vend.
Të njëjta burime i thanë ABC News se Nuredin Dumani dhe Klevis Kapllanaj kanë qenë miq të ngushtë me njëri- tjetrin, por pas ekzekutimit të Emiliano Ramazanit, ku dyshohet të kenë bashkëpunuar, marrëdhëniet e tyre janë prishur për një sasi parash.
Ndaj dhe, sipas burimeve, Nuredin Dumani dyshohet ta ketë ekzekutuar shokun e tij Kapllanaj, gati 2 muaj më vonë, për të fshehur krimin që kishin kryer së bashku.
LEXO edhe: Shtohen pistat për vrasjen e Klevis Kapllanit, hetohet miqësia e tij me Emiljano Ramazanin
Sipas burimeve nga grupi hetimor i dosjes së vrasjes së Emiliano Ramazanit, Klevis Kapllanaj, ekzekutori i dyshuar i Ramazanit dyshohet të ketë qenë personi që vendosi armën e krimit në servisin në pronësi të Albert dhe Seit Manahasës në Qytetin e Peqinit.
Pistoleta që u gjet poshtë një serbatori makine është e konfirmuar se është arma që i mori jetën 39-vjeçarit Emiljano Ramazani. Seit dhe Albert Manahasa vijojnë të qëndrojnë në masën e sigurisë “arrest në burg” për armën e sekuestruar në pronën e tyre.
Burimet thanë se Seit Manahasa ka pasur miqësi me të shumëkërkuarin Talo Çela, vëllai i të cilit Bujar Çela u ekzekutua mëngjesin e 17 shtatorit nga autori i dyshuar dhe i shpallur tashmë në kërkim Nuredin Dumani.
n.d./abcnews.al
