Lazio u gjet e papërgatitur pas vendimit të Simone Inzaghit për të mos rinovuar në momentin e fundit. 45-vjeçari u largua për të marrë drejtimin e Interit, skuadrës kampione. Dyshja Lotito-Tare po punojnë për të gjetur trajnerin e ri.
Alternativat janë të shumta. Në listën e dëshirave ndodhen emra si Sarri, Favre, Benitez, Mihajlovic dhe Stankovic. Por jo vetëm. Në orët e fundit ka dalë në skenë edhe një portugez sipas raportimeve të Calciomercato.
Ai është Nuno Espirito Santo, i cili pak ditë më parë mbylli aventurën me anglezët e Ëolves. Agjent ka të mirënjohurin Jorge Mendes, i cili po punon për ta sjellë në Serie A dhe ia ka sugjeruar Lazios. 49-vjeçari ka drejtuar edhe skuadra si Valencia dhe Porto.
Nëse arrin akordin me drejtuesit e Lazios dhe merr drejtimin e skuadrës bardhekaltër, Nuno Espirito Santo do të ketë përballë Jose Mourinhon në derbin e kryeqytetit, një nga më të zjarrtë në botë. /abcnews.al
