Inter-Milan, një derbi që nis në orën 15:00 dhe mund të jetë vendimtar edhe për titullin kampion në Serie A. Zikaltrit duan të hakmerren për humbjen në takimin e fazës së parë dhe të marrin fitoren e shtatë radhazi, për t’u distancuar nga kuqezinjtë.
Një derbi ndryshe, duke parë që Interi e Milani renditen në dy vendet e para dhe janë të karikuar pas çerekfinales së Kupës së Italisë. Sidomos Romelu Lukaku dhe Zaltan Ibrahimovic. Trajneri Antonio Conte me gjasa e ka ndarë mendjen edhe për formacionin.
Pritet i njëjti që ishte në fushë kundër Lazios, me Eriksen që ka fituar pikë javët e fundit. Danezi pritet të fitojë balotazhin me Vidal, ndërkohë që në qendër do të jenë edhe Barella e Brozovic. Hakimi e Perisici janë të përzgjedhurit për krahët, kurse sulmi Lukaku-Lautaro nuk ndryshon.
Handanovic në portë është i paprekshëm, sikurse edhe treshja e qendrës së mbrojtjes. Skriniar, De vrij dhe Bastoni do tentojnë të ndalin sulmet e Milanit. Pioli do tentojë t’i befasojë me Ibrahimovic, i cili do të mbështetet nga Rebic, Saelemaekers dhe Calhanoglu.
Me Bennacer të dëmtuar, në mesfushë krah Kessie pritet Tonali. Donnarumma në mes të shtyllave do tentojë të mbajë portën të paprekur, ndërsa para tij në qendër Romagnoli e Kjaer janë të përzgjedhurit. Krahët nuk preken, me Calabria e Theo Hernenadez që do të kenë punë në derbin e 228-të të Milanos.
INTER-MILAN, FORMACIONET E MUNDSHME
INTER (3-5-2): Handanovic; Skriniar, De Vrij, Bastoni; Hakimi, Barella, Brozovic, Eriksen, Perisic; Lautaro Martinez, Lukaku. Trajner: Antonio Conte.
MILAN (4-2-3-1): Donnarumma; Calabria, Kjaer, Romagnoli, Theo Hernandez; Kessie, Tonali; Saelemaekers, Calhanoglu, Rebic; Ibrahimovic. Trajner: Stefano Pioli. /abcnews.al
