Timothy Castagne, pas frakturës së pësuar në gropën e syrit mbrëmjen e djeshme në duelin kundër Rusisë, ka marrë lajmin e keq se aventura e tij në EURO 2020 ka përfunduar.
Lojtari i Belgjikës u përplas keq me Daler Kuzyaev në gjysmën e pjesës së parë dhe u detyrua ta linte fushën e blertë para kohe. Që në fillim u pa se dëmtimi për të ishte serioz.
Syri i ishte ënjtur dhe nxirë, ndërkohë që vetë trajneri Roberto Martinez ka konfirmuar se Castagne do të mbetet jashtë turneut në vazhdim. Pas kontrolleve mjekësore do të përcaktohet edhe se çfarë do të bëjë në vijim. /abcnews.al
