Loading ...
Ferland Mendy është zhdukur nga harta e planeve të Ancelottit, pas një sezoni ku ai ishte titullar. Humbja e rëndësisë ka ardhur për shkak të dëmtimeve të shumta që kanë shoqëruar mbrojtësin kohët e fundit.
Performancat e Miguel Gutierrez nuk e përjashtojnë mundësinë që francezi të bëjë gati valixhet. Për më tepër ardhja e Alaba nuk ka qenë një lajm i mirë, edhe pse fillimisht ai u transferua për të luajtur në qendër, sërish duket se e ka nxjerrë jashtë planeve të teknikut italian.
Sipas mediave lokale, Juventusi e ka në listën e preferencave lojtarin e Madridit. Italianët duan të transferojnë një mbrojtës të majtë gjatë merkatos së dimrit dhe Mendy duket i duhuri për drejtuesit e “Zonjës së Vjetër”.
Tani për tani, largimi i mbrojtësit nuk është në planet e Realit, por gjithçka do të varet nga performancat e tij deri në janar. /abcnews.al/
