Loading ...
Jashtë fushe konsideroheshin si favoritë, mirëpo 90 minutat e para kanë “folur” gjeorgjisht.
“Demat e Kuq” të Partizanit kanë zhgënjyer totalisht pasditen e kësaj të enjteje, teksa janë mundur në “Mikheil Meskhi Stadium”, të Tbilisit, 2-0, nga gjeorgjianët e Iberia 1999, në sfidën e parë, të fazës së dytë kualifikuese të Conference Leauge.
Nga një gol në secilën pjesë nga Nonikashvili e Sylla mjaftuan që vendasit të siguronin fitoren, fitore në të cilën erdhi në ndihmesë edhe dalja me kartonin e kuq të “fantazistit”, Arinaldo Rrapaj, në minutën e 47’-të të sfidës.
Tashmë djemtë e Orges Shehit do të ndeshen me gjeorgjianët pasditen e 1 gushtit, në “Elbasan Arena”, për të vulosur përfundimisht skuadrën që do të kualifikohet në raundin e radhës të Conference League. /i.m /abcnews.al
