Departamenti Amerikan i Shtetit, në një njoftim të fundit raporton se gjatë ditës së sotme 2000 persona janë evakuuar nga trupat ushtarake nga Afganistani.
Lexo edhe: DASH: Të paktën 6,000 persona gati për t’u larguar me avion nga Kabuli
Ndërsa që nga 14 gushti kur talebanët morën pushtetin, bëhet me dije se janë evakuuar 7000 persona.
Ndërkohë në foto paraqitet situata e ditës së sotme nga aeroporti i Kabulit, ku afganët që kërkojnë të largohen nga vendi, po i nënshtrohen një kontrolli të rreptë nga trupat ushtarake. Më pas ata do të udhëtojnë drejt vendeve që kanë pranuar të akomodojnë civilët e rrezikuar nga talebanët.
Ndërsa Shqipëria është vetëofruar për të pritur një numër të pasaktësuar refugjatësh .
Nga pamjet shihet se pranë aeroportit të Rinasit janë ngritur çadra akomoduese , pasi pritet që ky të jetë edhe stacioni i parë i tyre.
Around 300 Afghans to arrive in Albania – Tirana and Durres chosen for their proximity #albania #Afghan #AfghanistanBurning #Kabul #Tirana pic.twitter.com/lOSZ8RBIcP
— Loreta Cuka (@loretacuka1) August 18, 2021
/abcnews.al/
