Kryetari i Partisë Socialiste të Serbisë, Ivica Daçiç ka reaguar për vdekjen e ish-sekretarja amerikane e shtetit, Madeleine Albright, duke theksuar se ajo është fajtore e drejtpërdrejtë për vdekjen e një numri të madh serbësh.
I ftuar në një emision ai është shprehur se nuk duhet të gëzohemi për vdekjen e askujt dhe theksoi se të gjithë ata që janë përgjegjës për vdekjen e qytetarëve të pafajshëm “do ta mbajnë mallkimin përgjithmonë“.
Ndër të tjera në lidhje me faktin që Albright ndërroi jetë ditën kur u mor vendimi për bombardimin e vendit tonë Daçiç ka thënë se ishte i sigurt se ishte një “rastësi e rëndësishme”.
“Disa njerëz nuk e kanë marrë këtë dënim tokësor dhe kam thënë më parë se do t’u vijë dënimi i Zotit. Shpresoj që Zoti ta falë për të gjitha krimet që ka bërë ndaj popullit serb dhe shtetit serb. Nuk do ta kujtojmë për asgjë të mirë, por si manipuluese të madhe”, ka thënë Daçiç.
Në fjalën e tij Daçiç u është referuar negociatave në Rambuje, dhe rolit që kishte ish zyrtarja amerikane të Albright.
“Pas ngjarjeve në Reçak, ajo personalisht doli dhe foli për masakrën në kuptimin se aty vriteshin dhe pushkatoheshin, pothuajse vetëm serbët nuk ia prisnin kokën. E gjithë kjo ishte në funksion të marrjes së vendimit të drejtpërdrejtë për bombardimin e Serbisë, kështu që sigurisht që e konsiderojmë fajtore të drejtpërdrejtë. Askush nuk duhet të jetë i lumtur për vdekjen e askujt, por mendoj se është përgjegjës për vdekjen e një numri të madh të njerëzve tanë dhe civilëve, ushtarëve dhe policëve që nuk janë fajtorë për asgjë. Mendoj se përgjegjësit do të kenë përgjithmonë mallkim”, është shprehur ndër të tjera ai.
