Loading ...
Pas tetë vitesh në stolin e kombëtares portugeze, Fernando Santos u largua nga grupi përfaqësues i vendlindjes së tij, me të cilin festoi triumfin në Euro 2016 dhe më pas të Ligës së Kombeve 2019.
Një mori njerëzish në futbollin portugez i dhanë lamtumirë trajnerit të kombëtares, duke përfshirë ish dhe lojtarë aktualë të kombëtares. Por jo Ronaldo.
Madje, në një publikim në vendin iberik thuhet se Fernando Santos ka “paguar” sherrin e tij me Cristiano Ronaldon, i cili prej ditës së djeshme ka qëndruar joaktiv në rrjetet sociale dhe nuk ka bërë asnjë publikim.
Në fund të fundit, pati raportime gjatë Kupës së Botës se ylli portugez ishte irrituar nga trajtimi i Santos.
Pepe, Bernardo Silva dhe Bruno Fernandes ishin ndër të parët që postuan për trajnerin shumë të suksesshëm të kombëtares, të ndjekur nga postime të ngjashme nga Rui Patricio, Ruben Diaz, Danilo Pereira, Rafael Guerreiro, Nuno Mendes, William Carvalho, Vitinia, Joao Mario, Mateus. Nunes, Ottavio, Joao Felix, Andre Silva dhe Gonzalo. /G.D abcnews.al/
