Tek Universitatea Craiova e kishin cilësuar të kryer kalimin e Laçit në raundin e dytë të Conference Leage, dhe kishin filluar të mendonin për Anderlecht. Futbolli është gjithmonë i paparashikueshëm, bardhezinjtë kurbinas zhvilluan dy takime perfekte dhe janë ata që do të ndeshen me skuadrën belge në raundin e tretë.
Nënkampionët e Rumanisë në shok total, teksa një grupim ultrasish kërkuan përballje me skuadrën pas eliminimit, duke mos i kursyer ofendimet dhe kërcënimet ndaj lojtarëve të skuadrës së zemrës.
https://streamable.com/i6nxst
Rodion Camataru, ish-sulmuesi i njohu rumun, ka lëshuar një batutë kur është pyetur nëse Univ Craiova (fitoi Kupën dhe Superkupën e Rumanisë) ka shanse të fitojë titullin kampion këtë sezon.
“E pashë shumë pak ndeshjen me Laçin. Një rezultat shumë i keq për Univ Craiova dhe për futbollin rumun. Të gjitha skuadrat tona janë eliminuar, të gjithë na kanë mposhtur.
Craiova për titull? Nëse ndryshon emrin në Universitatea Laçi mund të fitojë kampionatin! Po bëj shaka. Për fat të keq skuadrat tona arritën rezultate shumë të dobëta në Evropë“, deklaroi Camaratu për mediat vendase. /abcnews.al
