Luciano Moggi ka bërë një skaner të Juventusit. Vlerësim për Cristiano Ronaldon, por vështirë që një tip si Moggi do të blinte yllin portugez. Dybala e vlerëson dhe shpreson të rinovojë, teksa ish-administratori i deleguar i bardhezinjve flet edhe rreth Paul Pogba për Radio Amore Campania.
“E admiroj Cristiano Ronaldon për atë që është në gjendje të bëjë, por me shumë mundësi nuk do ta kisha blerë po të isha pjesë e Juventusit, do ia kishim dalë edhe pa të. Kosto e blerjes së tij ishte e madhe dhe bëhet fjalë për një lojtar në moshë.
Juventusi do të vazhdonte të fitonte edhe pa të. Dybala? Nëse arrihet akordi i rinovimit të kontratës, Paulo nuk do të largohet. Po flasim për një djalë të ri, i cili mund të qëndrojë për shumë vite te Juventusi dhe të shfaqë potencialin e tij.
Pogba? Rikthimet janë disi të veçanta. Pogba ka qenë madhështor te Juventusi, por kujtimet nuk shkojnë në sinkron me paraqitjet në fushë. Bardhezinjtë e shitën për një shumë të rëndësishme dhe Paul nuk ka treguar gjëra të mëdha në Angli“, deklaron Moggi. /abcnews.al
